Feedback

Week of ජනවාරි 17, 2019

සාර්ථක ටෙලි සිතුවමක් ‘ඉඩෝර වැස්ස’
ජනවාරි 17, 2019 ~ එස්. ඒ. ප්‍රේමලතා ~ රුක්ගහ තෙඹාටුපල

එදා පැහැසර ටෙලි සිතුවමේ සියලු අභියෝග ජයගත් අම්මාගේ භූමිකාව නිරූපණය කළ මාධනී මල්වත්ත අද ‘ගොළු වූ දෑසින් අහසට මුමුණන’ තේමාව යටතේ ‘ඉඩෝර වැස්ස’ ටෙලි සිතුවමේ නොසැලී දිවි ගෙවන දිරිය මවගේ චරිතය රඟන අතර ඇයගේ දියණිය ලෙස රශිප්‍රභා සංදීපනී දුව අහිංසක කටුක මංමුලා වූ චරිතයක් ඉතා සාර්ථක ලෙස නිරූපණය කරයි. කලකට පසු බිහි වූ සාර්ථක නිර්මාණයකි. රශි ප්‍රභා, මාධනී, හර්ෂණ ඇතුලු ශිල්පීන්ට මගේ ප්‍රණාමය පුදමි.


නිර්මාණය මෙලෙසයි කියන තිදෙනාට

ගීතයේ අරුත පැහැදිලි කරදෙන සිටි ජ්. ර්. සේවයේ ප්‍රචාරය වන ව්. ඹ්. ඕ ප්‍රාර්ථනා වැඩසටහනේ ගීතයේ අරුත පැහැදිලි කර දෙන ධම්මික බණ්ඩාර, අනුෂ්ක අනුරංග බණ්ඩාර නිවේදක මහත්වරුන්ට සහ ගීත ගායනයෙන් එකතු වන නාලක අංජන කුමාර යන තිදෙනාටම,

විනාඩි තුනක් වැනි සුළු කාලයකදී ප්‍රචාරය වන ගීතයක් තුළ ආදරය, විරහව, දුක, සතුට ගැබ් වෙලා ඇති බව වටහා දෙන ඔබ නිර්මාණකරුවෙකුගේ වෙහෙස, මහන්සිය ගීතයක් නිර්මාණය මෙලෙසයි කියා වටහා දෙන ඔබ තිදෙනාටම අපගේ ස්තූතිය.

අලව්වේ
සුභාෂිණි මොහම්දිරම් සමඟ සිටි ජ්. ර් අසන්නන් පිරිස


‘වෙනස’ අරැඹුවාට තුති

කාලයක් තිස්සේ ස්වාධීන රූපවාහිනියෙන් බදාදා රාත්‍රී විකාශනය කළ ‘වෙනස’ වැඩ සටහන ප්‍රේක්ෂක සිත් සතන් වසඟ කළේය. නමුත් හිටි ගමන් නතර විය. අපගේ සිත් සතන් මහත් කම්පාවකට පත් විය. කාලයක් මෙසේ නතර වී තිබූ අතර, මෙන්න යළිත් ‘වෙනස’ වැඩ සටහන ස්වාධීන රූපවාහිනියෙන් ආරම්භ කරන බව ප්‍රදර්ශනය විය. එය අපගේ සිතට සතුටකි. දැන් යළිත් ඔන්න ‘වෙනස’ නැරැඹිය හැක.

කෑගල්ලේ තටාකය පාරේ
මැණිකේ විල්වල සහ
තිලකරත්න විල්වල 

ඔස්වල්්ඩ් වෙනුවෙන් චිත්‍රපට උලෙළක් තියමුද?
ජනවාරි 17, 2019 ~ නිමල් කුලසේකර ~ අඟුලාන

දේශීය චිත්‍රපට ඉතිහාසයේ ප්‍රධාන චරිත වන අපගේ ජනප්‍රිය නිළියන් වන ජීවරාණි, නීටා, ශ්‍රියානි, සුමනා ඇතුළු බොහෝ ශිල්පිනියන් සමඟ එකට රඟපෑ එකල ජනප්‍රිය නළුවකු ලෙස ද දක්ෂ නළුවකු ලෙස ද දේශීය සිනමාවට දායකත්වය එක් කළ ඔස්වල්්ඩ් ජයසිංහ ශිල්පියා සමරා ඔහුට උපහාර ලෙස ඔහු රඟපෑ චිත්‍රපට උලෙළක් පවත්වන ලෙස ඉල්ලමි.


ශ්‍රී ලංකාවේ නෞෂාඩ් ආර්. ඒ. චන්ද්‍රසේන

‘ලස්සනට පිපුණ වන මල්’ ගීතය නිහාල් නෙල්සන් ගායකයාණන්ට ලස්සනට ගායනා කරන්නට එතුමාගේ දක්ෂ සංගීත අධ්‍යක්ෂණය මනාව ඉවහල් වූ බව නිහාල් නෙල්සන් නම් කළ ගුණ දත් කලාකරුවා ද පිළිගන්නා නොරහසකි. නිහාල් වරෙක එතුමා ශ්‍රී ලංකාවේ නෞෂාඩ් වශයෙන් ද හඳුන්වා දී තිබිණ. එතුමා නම් දක්ෂතා සපිරි සංගීතඥයෙකු වූ ආර්. ඒ. චන්ද්‍රසේනයි. එතුමා ගායනා කළ බුද්ධාලම්බන ප්‍රීතිය හදවත් තුළ වර්ධනය කරවන ‘දස බලදාරී බුදු රජ පෙර කල’ ගීතය අදටත් ජනප්‍රියය. එතුමා සංගීත අධ්‍යක්ෂණය කළ චිත්‍රපට රාශියක් ද විය. ‘මිරිඟුව‘, ‘කොළඹ හාදයෝ’ ඉන් කිහිපයකි. එතුමාගේ දියණියන් වූ දර්ශනී චන්ද්‍රසේන සහ නිලංගනී චන්ද්‍රසේන ද සිය පියා ගිය අඩි පාරේම ගොස් ‘මල් කිනිත්ත වාගේ පුංචි නංගි ලස්සනයි’, ‘සිරි ලංකා අලංකාර ලංකා’ වැනි ගීත ජනතාවට තිළිණ කළහ. කන්ද උඩරට මහනුවරින් බිහි වූ මේ ශ්‍රේෂ්ඨ කලාකරුවා 1980 වසරේදී අපව හැර ගියේ ඥාති අපද හඬවමිනි.

ජගත් චන්ද්‍රසිරි
පූජා ජගත්සිරි
පස්යාල


ප්‍රවීණයන්ගේ ගී සින්නක්කර නොගන්න

නවක ගායක ගායිකාවෝ සංගීත ක්ෂේත්‍රයට පිවිසිය යුතු වෙති. ඔවුන්ගේ ආධුනික අවදියේ ප්‍රවීණ ගායක ගායිකාවන්ගේ ගී ගයමින් ක්ෂේත්‍රයට පිවිසීමේ වරදක් නැත. නමුත් ක්ෂේත්‍රයට පිවිසීමෙන් පසුව ප්‍රවීණයන්ගේ ගීත සිය භුක්තියට සින්න කර ගැනීමට යාම නම් බලවත් වරදකි.

අනුර කුලවර්ධන
රදාවාන

ෂෙල්ටන් මුතුනමගේට ඉක්මන් සුව
ජනවාරි 17, 2019 ~ සුසිලා පතිරාජ ~ උස්වැටකෙයියාව

 ජනප්‍රිය දක්ෂ ගායකයකු වූ ෂෙල්ටන් මුතුනමගේ ගායන ශිල්පියා පසුගිය දිනවල රෝගාතුරව ඉතා අසාධ්‍ය තත්ත්වයෙන් සිට දිවිය අපහසුවෙන් ජයගෙන අද නිවසට වී සිටී. ඔහුට ඉක්මන් සුවය ලැබේවායි ප්‍රාර්ථනා කරමි.

ඩී. ආර්. වැනි නළුවන් අද බිහි නොවෙයිද?
ජනවාරි 17, 2019 ~ ශ්‍රියානි ජයසිංහ, ඉඹුල්ගොඩ අබේසිංහ ~ අලව්ව

ඩී. ආර්. නානායක්කාර නම් සුවිශේෂි නළුවා ජීවිත සිනමාවෙන් සමුගෙන වසර තිහක් ගත වුණ ද අපට ඔහු මතකයෙන් ඈත් නොවන්නේ ඔහුගේ රංගන කුසලතාවයන් නිසාය. වේදිකාවෙන් සිනමාවට පිවිස ඔහු අම්මා, සීදේවි, සුරංගනී, රේඛාව, කුරුළුබැද්ද, සිකුරු තරුව, චණ්ඩියා, පරසතු මල්, කතුරුමුවත්, බිනරමලී, බක්මහ දීගේ වැනි චිත්‍රපටවල විවිධ ගැමි චරිතයන් තුළින් රංගනයේ යෙදුණි. බයිසිකල් හොරා චිත්‍රපටයෙන් ඔහු ජනප්‍රියත්වයට පත් විය. මෙවන් නළුවන් අද බිහි නොවීම විශාල පාඩුවකි.  

ෆ්‍රෙඩීගේ ගීත රැක ගනිමු
ජනවාරි 17, 2019 ~ ප්‍රියන්ත හෙට්ටිආරච්චි ~ යක්කල

ජනප්‍රිය ගායකයෙකු, රංගන ශිල්පියෙකු හා සිනමාවේ විකට රජු ෆ්‍රෙඩී සිල්වාගේ හාස්‍ය ජනක ගීත විකෘති කර ගායනා කර ඇති අතර රසිකයන්ට හා ශිල්පියාට ද කර ඇත්තේ අසාධාරණයකි. මෙම ගීතවල රස නොමරා රස විඳිය හැකි ගී මතු පරපුර වෙනුවෙන් රැක ගනිමු.

අමරා අමරණීයයි
ජනවාරි 17, 2019 ~ එස්. ඒ. පේමලතා ~ බණ්ඩාරගම

තමන්ටම ආවේනික වූ කාව්‍ය විරිතකින් ගීත ගායනා කළ ‘අමරා’ ඔබතුමිය මිය ගියත් ඔබ නාමය අමරණීයයි. අද ඔබේ සිසු කැල නිහඬව හඬයි.

පියතුමාට ඇඹුල රැගෙන ගියේ හිසේ තියා
කොහි සිට කොහි යනවාදැයි නම විමසුවෙ දයා
නොමැරෙන යම් කෙනෙක් වේද ඒ නම මගේ කියා
එදා පැවසූ ‘අමරා’ ඔබ යළි නොඑන්න ගියා

BAND ද BAND විශිෂ්ටයි
ජනවාරි 17, 2019 ~ උපනන්ද ~ මහනුවර

ස්වාධීන රූපවාහිනිය සහ නාලන්ද විද්‍යාලීය ආදි ශිෂ්‍ය සංගමය එක්ව පාසැල් තූර්ය වාදක කණ්ඩායම්වල දක්ෂතා රටට හඳුන්වා දෙන විශිෂ්්ට රියලටි වැඩ සටහනක් ලෙස BAND ද BAND හඳුන්වා දිය හැක.

මෙමඟින් පාසැලට පමණක් සීමා වී තිබූ තූර්ය වාදනය අනෙක් පාසැල් සමඟ එකට අත්වැල් බැඳගෙන රටට මෙන්ම ලෝකයටම පෙන්වා දීමේ අවස්ථාව උදාවීම ප්‍රශංසනීයය.

එය ඉදිරිපත් කරන අමිල සහ යුරේනිගේ මෙහෙයවීම ද BAND ද BAND විචිත්‍ර කිරීමට සමත් වී ඇත.

හර්බට් එම්. සෙනෙවිරත්නයන් හට
ජනවාරි 17, 2019 ~ ක්ලෝඩ් ද ලිවේරා සහ නාලිනී ද ලිවේරා ~ මීගමුව

අපගේ මතකයේ ඇඳී පවතින ඉතාම රසවත් හා හැඟුම්බර ගී රචනා කළ ඔහු හර්බට් එම්. සෙනෙවිරත්නය. අපගේ ගීත කෝකිලාව මෙන්ම නිළි රැජින රුක්මණී දේවිය ගායනා කළ ඉතාම අරුත්බර රසවත් ගී ‘ආදරය නිසා හර්දේ බැඳෙනා, දෙවාගිනි මහ දුක් ඇසේ ගීතේ, මැවිලා පෙනේවි වැනි ගී සමහර විට ඇය වෙනුවෙන්ම ලියූ ගී වැනිය. ඉතාම කඩවසම් නළුවකු ලෙස හා චිත්‍රපට අධ්‍යක්ෂවරයකු ලෙස ද හර්බට් සුවිශේෂී වේ. අපි සැමදා ඔහුට මෙන්ම ඔහුගේ ගී රචනාවලට ද ප්‍රිය වෙමු.

Week of ජනවාරි 17, 2019