පැණි වළලු ඔස්සේ කිරි සුවඳ සොයා Lion

ජුනි 18, 2020

 

ඒ 1986 වසරයි. ‘සරූ’ ඉන්දියාවේ මධ්‍යප්‍රදේශ් ප්‍රාන්තයේ ඛන්ද්ව නම් කුඩා ගමෙහි සිය මව, වැඩිමහල් සොයුරා ගුඩ්ඩු සහ නැගණිය සමඟ ජීවත් වන පස් වියැති කුඩා දරුවෙකි. මවගේ කම්කරු රැකියාවෙන්ම සිය ජීවිත ගැටගසා ගැනීමට නොහැකි බව දන්නා ගුඩ්ඩු මව රැකියාවට ගිය පසු යාබද නගරයක දුම්රිය ස්ථානයක සුළුසේවයක නිරතව දෛනිකව යම් මුදලක් උපයාගනියි.

 

දිනක් ගුඩ්ඩු සමඟ සරූ ද දුම්රිය ස්ථානය වෙත යයි. පයින් ගමන්ගත් මහන්සිය නිසා දුම්රිය ස්ථානයේ බැංකුවක සරූ නින්දට වැටෙයි. තද නින්දේ සිටින සරූ අවදි නොකරම ගුඩ්ඩු රැකියාවට යයි. අවදිවී, සිය සොහොයුරා සොයමින් වෙහෙසවන සරූ හිස් දුම්රිය මැදිරියකට ගොඩ වෙයි. කුඩා සරූ දුම්රිය මැදිරිය තුළ නැවතත් නින්දට වැටේ. සරූ අවදිවන විට දුම්රිය ගමන් කරමින් සිටියි. සැතපුම් දහසක් ඈත, බටහිර බෙංගාල ප්‍රාන්තයේ අගනුවර වන කල්කටාවට මගීන් නොමැතිව ආපසු ගමන් ගන්නා දුම්රිය දින තුනක් තිස්සේ ගමනේ යෙදෙයි. කුඩා සරූ අසරණ වෙයි.

 

අති විශාල ජනකායක් වෙසෙන ‘මිනිස් වනාන්තරයක්’ වන කල්කටාවේ අතරමං වන සරූ විවිධ දුෂ්කරතා වලට මුහුණ දෙන අතර අවසානයේ එක්තරා මහත්මයෙකු විසින් ළමා නිවාසයකට භාර කෙරෙයි. එහිදී ඔස්ට්‍රේලියානු යුවලක විසින් සරූ දරුකමට හදාගැනීමට භාර ගැනේ. සරූගේ ජීවිතය දැන් අලුත්ය. වසර විස්සක් තිස්සේ ඔස්ට්‍රේලියාවේ සිය නව දෙමාපියන් සමඟ ඔහු ජීවත් වෙයි. කුඩා කල ඉන්දියාවේ ගෙවූ ජීවිතය සරූගේ මතකයෙන් කෙමෙන් මැකී යයි. දිනක් සිය ඔස්ට්‍රේලියානු මිතුරෙකුගේ සාදයකට සහභාගී වන සරූට ඉන්දියානු කැවිලි වර්ගයක් වන ‘ජලෙබි’(පැණිවළලු) ඇස ගැටේ. මේ සමඟ සරූගේ දෑස් කඳුලින් තෙත් කරමින් සිය කුඩා ගම, මව, නැගණිය, සොහොයුරා පිළිබඳ මතකයන් එකින් එක සිහිපත් වන්නේ චිත්‍රපටයක රූපරාමු මෙනි.

එතැන් සිට සරූගේ එකම අභිප්‍රාය වන්නේ සිය දුප්පත් මව, සොහොයුරා සහ නැගණිය සොයා උපන් ගමට යාමයි. එකල ප්‍රචලිතව පැවැති ‘ගූගල් අර්ත්’නම් පරිගණක මෘදුකාංගයේ පිහිටෙන් සිය ගම්මානය සොයන මෙහෙයුම සරූ අරඹයි. ගම්මාන ලක්ෂ ගණනක් අතරින් සිය කුඩා ගම සෙවීම අතිශය දුෂ්කර කටයුත්තක් වුවද අවසානයේ සරූ සිය අරමුණ සාක්ෂාත් කරගනියි. 2012 දී සරූ සිය කුඩා ගම්මානයට ගොස් මවත්, නැගණියත් මුණගැසේ. සිය සොහොයුරා ගුඩ්ඩු තමා අතරමං වුනු රාත්‍රියේදීම දුම්රියක ගැටී මිය ගොස් ඇති බවත් ඇති බවත් සරූ දැන ගනී. සරූගේ කතාවේ අවසන් සඳහනේ දැක්වෙන්නේ සරූ මෙතෙක් කල් සිය නම වැරදියට උච්චාරණය කර ඇති බවත් නියම නම කේසර හෙවත් ‘සිංහ’ යන තේරුමෙන් ‘ක්‍ෂර්’ යන බවත් ය. 2016 වසරේ ඔස්කාර් නාම යෝජනා හයකට හිමිකම් කියූ ‘ඹ්ඪධද’ චිත්‍රපටය නිම වන්නේ මෙලෙසිනි.

මෙය චිත්‍රපටයක් පමණක්ම නොව සත්‍ය සිදුවීමකි.

ගර්ත් ඩේවිස් නම් ඕස්ට්‍රේලියානු චිත්‍රපට අධ්‍යක්ෂකවරයා විසින් නිර්මාණය වුණු පළමු චිත්‍රපටය වන මෙය ඉයන් කනින් ඇතුළු තිදෙනෙකුගේ නිෂ්පාදනයකි. ලූක් ඩේවිස් ගේ තිර රචනයකි. සැබෑ සරූ (සරූ බ්‍රියෙර්ලි) ඕස්ට්‍රේලියානු ව්‍යාපාරිකයෙක් වන අතර ඔහු විසින් සිය ජීවිත කතාව පාදක කරගෙන රචනා කෙරුණු ‘ඒ තධදඨ ඹචර ඩධථඥ’ කෘතිය පදනම් කර ගනිමින් ඹ්ඪධද චිත්‍රපටය නිර්මාණය වී ඇත. ළමා නළු සනී පවර් සරූගේ කුඩා කල චරිතය නිරූපණය කළ අතර, ඔස්කාර් නාමයෝජිත දේව් පටෙල් තරුණ සරූගේ චරිතය නිරූපණය කළේය. නිකොලේ කිඩ්මාන්, නවසුද්දීන් සිද්දික්, රූනි මාරා, ප්‍රියංකා බෝසේ ඇතුළු ඕස්ට්‍රේලියානු සහ ඉන්දියානු රංගන ශිල්පීන් රැසක් මෙම චිත්‍රපටයේ චරිත නිරූපණය කරති.

 

අමෙරිකානු ඩොලර් මිලියන 12ක පිරිවැයකින් නිර්මාණය වුණු මෙම චිත්‍රපටය අමෙරිකානු ඩොලර් 140 ක ආදායමක් වාර්තා කරමින් විශිෂ්ට වාණිජ සාර්ථකත්වයක්ද ළඟා කරගෙන ඇත. රොට්න් ටෝමැටෝස් දර්ශකයේ 84%ක් පෙන්නුම් කරන ඹ්ඪධද, එහි ප්‍රමුඛ විචාරයට අනුව එහි නිසැක ධෛර්ය සම්පන්න කතාපුවතත්, විශිෂ්ට රංගධරයන් පිරිසත් නිසා ජීවිතකතා නිර්මාණකරණයට නව ඉසවුවක් නිර්මාණය කර දී ඇත.