වර්ෂ 2018 ක්වූ ජුනි 20 වැනිදා බදාදා




බොරුවෙන් ජීවත්වීමට උපන් හපන් වලිසිංහගේ කතාව
වේගයෙන් පෙරට RACE 3
වස්සානයේ සඳ පායයි
රජිනි නැවතත්
එක වගේ දෙන්නෙක් ජරමර ගොඩක් එල ඩබල
සුළි කුණාටු මැද ඔබ තනිවුවහොත්
සිනමාවට එක්වන සුරූපී නිළිය මිස් ජෙනිස්
හන් සෝලෝගේ කතාව 25 වැනිදා සිට ලොවපුරා
සැබෑ සෙනෙහසේ අසිරිමත් රිද්මය වස්සානයේ සඳ
ඇන්තනි රූසෝ හා ජෝ රූසෝ අධ්‍යක්ෂණයක්
සුවඳ මල් නිතර පිපියන් රන්කඳට බිම්බා දේවි හෙවත් යශෝධරා
ඇත්තටම බිය දැනෙන විශිෂ්ට චිත්‍රපටයක් A Quiet Place
අමෝරාගේ විපර්යාසය ගැන කියවෙන අමෝරා
මධුර චාරිකා ආදායමට වඩා මා ලද ජය වැඩියි
පිරුණු සඳ ඇති රැයක උදාවිය ‘අමාවක’
පෙනුම පක්ෂියෙක් ඇතුළේ කොටියෙක් The Jungle Bunch
ආදරයට අලුත් අරුතක් වෛෂ්ණාවී
දකුණු ඉන්දීය සිනමා කර්මාන්තයේ දැවැන්ත වැඩ වර්ජනයක්
සැලීගේ ජීවිතය රැක ගන්න මානුෂික මෙහෙයුමක් ‘හොරා අන්කල්’
ත්‍රස්තවාදීන් දණ ගැස්සූ 7 Days in Entebbe
මෙවර ඔස්කාර් සම්මානය දිනූ චිත්‍රපටය
සීතල කඳුකරයේ යුවතියන් පමණක් හෙළි කළ රහස
සුළි සුළං මැද කොල්ලයක්
Manikya Malaraya Poovi ගීතයට ඉහළ ප්‍රසිද්ධියක්
ඇලඩින් වෙයි
හිරු මිනිසාගේ නව බලය samson
ඩී. එස්. සේනානායක චරිතයේ සලරුව ‘නිදහසේ පියා ඩී. එස්.’
නොමැති වස්තුවක් කොල්ල කෑමට වෙර දරන දෙපිලක්
සත්‍ය සිදුවීමක් රැගත් දේශපේ‍්‍රමි කතාවක්
ලංකාවේ ප්‍රශ්නයක් ඉන්දියාවේ කතාවක්
රහසක් අරමුණක් අතර ගෙවෙන එක් රැයක්
අද කාලයේ යුවතියක අතින් තැනුණු අපූරු චිත්‍රපටයක්
සිරිමල් මගෙ සකි යහපත් ළමයෙකි ළඟදීම රිදී තිරයට

සිරිමල් මගෙ සකි යහපත් ළමයෙකි ළඟදීම රිදී තිරයට

නව වියැති සිරිමල් ගත කළේ බොහොම සුන්දර ජීවිතයකි. සිය මෑණියන්ගේ හා පියාණන්ගේත් යෝධ සෙවණැල්ලේ හැදී වැඩුණු ඔහුට සිටියේ වසරක් පමණ වයසැති නැඟණියකි. සිය මිත්තණියන්ගේ සෙනෙහසද සිරිමල්ට මහමෙරකි. කිසිදු අඩුවක් පාඩුවක් නොමැතිව ගෙවෙන ඔවුන්ගේ ජීවිතය පිළිබඳ සුන්දර සිතුවිලිවලින් කුඩා සිරිමල්ගේ සිත පිරී ඉතිර ගියේ ය. ඔහුගේ අභිප්‍රාය වූයේ වඩාත් හොඳීන් ඉගෙන ගැනීම ය. උදෑසන ම රැකියාවට යන පියා වරෙක ඔහුගේ හිස සිම්ඹේ මහත් සෙනෙහසිනි. සඳුන්ට තිබෙන එක ම අස්වැසිල්ල නම් බිරියත්, දරු දෙදෙනාත් සමඟ ගෙවන මේ ජීවිතයයි. එහෙත් එක්වර ම ඔහුගේ සිත ඈතට ඉඟිල යන්නේ සැනෙනි.

“මං ගැන දැන ගත්තොත් මොකකින් මොකක් වේවි ද?”

සඳුන්ගේ සිත පෙළන සිතුවිල්ල වරින්වර ඉස්මතු වන්නේ ඔහුටත් නොදැනෙන ලෙසිනි. එවැනි අවස්ථාවක ඔහු කල්පනාවට බර වන්නේ ඔහුටත් නොදැනීම ය. දවසේ ම වැඩ කිරීම නිසා රිදුම්දෙන ඇඟපතට වඩා ඔහුගේ සිතේ රිදුම බලවත් ය. තමාට හා දරුවන්ට පණ මෙන් ආදරය කරන සිය බිරිය සිරියාවතීගේ උවන ඔහු ඉදිරියේ මැවී යන්නේ එවිට ය.

සිරිමල්ගේ කෙළිදෙලෙන් ගෙවුණු ජීවිතයට තිත තැබුණේ එක්වරම ය. සිය මෑණියන් නැඟණියත් සමඟ ගමට ගියේ කිසිදු දිනෙක නැවතත් නොපැමිණෙන බව මිත්තණියට පවසමිනි. නිවෙසේ වෙනදා තිබුණු සතුට පලා ගියේ කාටත් හොරා ය. තාත්තා සුපුරුදු ලෙස ඇඳපැලඳ ගිය රැකියාව නැවතිණි. සුපුරුදු කොළොම්පුරවරය අතැර දමා ඔවුන් දෙදෙනා වෙනත් ගම්මානයක වාසයට ගියේ මේ අතර ය. ඔහුට තරමකට හෝ අස්වැසිල්ලක් තිබුණේ පාසල් ගොස් පැමිණ යහළුවන් එක්ව කරන සෙල්ලම පමණි. එහෙත් දිනෙක සිදු වූයේ නොසිතූවිරූ විපතකි. සිරිමල් හා යහළුවන් අතර ඇති වූ රණ්ඩුව දුරදිග ගියේ ‍නොසිතූ ලෙස ය . එය දුටු සඳුන් ඊට මැදිහත් වූයේ ඔවුන් අතර වන රණ්ඩුව විසඳීමේ අදහසිනි. කොහෙදෝ සිට පැමිණි වැඩිහිටියන් කිහිපදෙනෙකුගෙන් එක් අයෙක් සඳුන්ට පොල්ලකින් තඩි බෑවේ ය. සඳුන් සිහිසුන් විය.

වෙනදා මෙන් තමාට යම් කාර්යයක එක දිගට නිරත වීමට නොහැකි බවක් සඳුන්ට දැනෙන්නට වැඩි කලක් ගත නොවීය. වරින්වර සිහිසුන් වන සඳුන්ගේ මේ රෝගී තත්ත්වය නිසා ඔහුට ලැබෙන කුලී වැඩත් නොලැබී යන කාලයක් උදා වූයේ ය. සිරිමල්ගේ පාසල් කටයුතු තබා ඔහුට ආහාර වේලක් දීමට නොහැකි වන තරමට ම සඳුන් දුප්පත් වූයේ ය. ඔහුගේ සිතේ ඉපදුණේ දුකකි. ඒ නිසා ම අකැමැත්තෙන් හෝ සිය පුතුව ළමා නිවාසයක නැවැත් වීමට සඳුන්ට සිදු විය.

කාලය‍ ගෙවී ගියේ ය. දිනක් සිරිමල් ළමා නිවාසයේ ළමයින් සමඟ විනෝද චාරිකාවක් යන්නේ ය. පන්සලක් අසල අසරණ වී සිටි අයට ආහාර බෙදන අතරදී ඔහු දුටුවේ පුදුම දසුනකි. එහි සිටි එක් අයෙකු වූයේ තාත්තා ය.

“තාත්තා... තාත්තා...”

ඔහු කෑ ගැසුවේ ය. කලබල වූ සඳුන් පාර පනින්නට ගොස් රථයකට යට විණි.

රූපවාහිනි තිරය මත පතිත වන ප්‍රවෘත්තියකින් කලබලයට පත්වන සිරියාවතී සිය පුතු සොයාගෙන යන්නේ මේ අතර ය. සඳුන් මිය ගිය පුවත ඇගේ ශෝකය වඩ වඩාත් අවුළුවයි. සිරිමල් යළිත් සිය භාරයට ගන්නා ඈ සිය ජීවිතය කැප කරන්නේ දරුවන් දෙදෙනා වෙනුවෙනි. සිරියාවතී ගල්වලක වැඩට යන්නට පටන් ගත්තා ය. ඈ තම දරුවන් දෙදෙනා පෝෂණය කරන්නේ ඉන් ලැබෙන මුදලෙනි. මෙලෙස ඔවුන්ගේ ජීවිතය ගලාගෙන යන්නේ බාධක කම්කටුලු මැද ය. ‘සිරිමල්’ කතා පුවත ඉදිරියට ගලාගෙන යයි. ‘සිරිමල්’ සඳුන් කුමාරගේ අධ්‍යක්ෂණයකි.