වර්ෂ 2018 ක්වූ පෙබරවාරි 18 වැනිදා ඉරිදා




හිරු මිනිසාගේ නව බලය samson
ඩී. එස්. සේනානායක චරිතයේ සලරුව ‘නිදහසේ පියා ඩී. එස්.’
නොමැති වස්තුවක් කොල්ල කෑමට වෙර දරන දෙපිලක්
සත්‍ය සිදුවීමක් රැගත් දේශපේ‍්‍රමි කතාවක්
ලංකාවේ ප්‍රශ්නයක් ඉන්දියාවේ කතාවක්
රහසක් අරමුණක් අතර ගෙවෙන එක් රැයක්
අද කාලයේ යුවතියක අතින් තැනුණු අපූරු චිත්‍රපටයක්
තහනම ඉවතට පද්මාවති හෙට ලොව පුරා
ප්‍රේමයටත් මුදලටත් මැදිවන පවන්ගේ කතාව ආදරෙයි මං
සිනමා විමසුම
රැකියාවත් යෝජනාවත් අතරට මැදිවන සේනකගේ කතාව උගුලයි මඟුලයි
තවත් මහා පරිමාණ බැංකු කොල්ලයක්
සොර සතුරන් රැස මෙල්ල කරන්නට දඬු මොනරෙන් එනවෝ
ක්‍රීඩාවක් දිනන මග
ආදර ෆැන්ටසියක රියැලිටි අරුමැසිය සරුංගල්
නොව පැරණි වන රමණි තරු සටන
අහිමි වූ පෙමක් සොයා යන රශ්මිගේ කතාව විසුරුණු මල් පෙති
ඇමරිකාවේත් සිරවුණු බාස්මතී බ්ලූස්
සුපර් මෑන් මිය ගියාට පස්සේ
මාලිනිගේ සිට අනෝමා දක්වා එතෙර බුහුමන් ලද අපේ රංගනවේදිනියෝ
කඟවේනාට එරෙහිව පෝනි හයදෙනෙක්
සියදිවිනසා ගන්නට පෙර සීමා නෑ ආකාසේ නරඹමු
තෝරගේ වික්‍රමය තෙවැනි වරටත්
එකම මුහුණක්-චරිත දෙකක් Face 2 Face

 

 

එකම මුහුණක්-චරිත දෙකක් Face 2 Face

නිෂ්පාදනය - සහන් අබේවර්ධන - ෂර්මාල් ඩිල්ෂාන්

කතාව, දෙබස්, තිර රචනය හා අධ්‍යක්ෂණය - හර්ෂ උඩකන්ද

ඉරේෂ් තරුණයෙකි. ඔහු අත ඇති දුරකථනයේ විවිධ පුද්ගලයින්ගේ ඡායාරූප රාශියකි. එකී ඡායාරූපවල සිටින පුද්ගලයින් දුටු විට ඉරේෂ් ඔවුන්ව කුරිරු අන්දමින් මරා දමයි. ඡායාරූපය දුරකථනයෙන් මකා දමයි.

දිනෙන් දින අභිරහස් ලෙස මිය යන පුද්ගලයින් ගැන සෙවිල්ලෙන් පොලීසිය, මාධ්‍යවේදීන් මෙන්ම ඩයස් නැමැති පාතාල නායකයා හා ඔහුගේ පුත් රෝස් ද කාලය ගත කරයි.

ඩයස් හා රෝස්ට මෙය ප්‍රශ්නයක් වී තිබෙන්නේ අභිරහස් ලෙස මිය යන පුද්ගලයින් තම සගයින් වන නිසාවෙනි.

ජයබිම පුවත්පතේ මාධ්‍යවේදිනියක වන භාග්‍යා පුවත්පතේ ප්‍රධාන කර්තෘතුමාගේ උපදෙස් පරිදි මෙම මිනීමැරුම් සම්බන්ධව සෙවීමට පටන් ගනියි.

ඔවුන් අනුමාන කරනුයේ පාතාල කණ්ඩායම් අතර පවති ගැටුම් නිසා මෙම මිනීමැරුම් සිද්ධ වන බවටයි. භාග්‍යා පාතාල නායක ඩයස්ගේ තොරතුරු සොයන්නට පටන් ගනියි.

ඇය එසේ තොරතුරු සොයන අතරවාරයේ ඩයස්ගේ ප්‍රධාන ගෝලයෙක් වන මයිකල්ට භාග්‍යාව හසු වෙයි. එම අවස්ථාවේ මයිකල්ගෙන් බේරී භාග්‍යා පලායයි. අතර මයිකල් ඇතුළු පිරිස ඇය ලුහුබඳියි.

එම අවස්ථාවේ මාර්ගයේ ඉදිරිපිට ඇවිද එන ඉරේෂ් භාග්‍යා පසුපස ලුහුබඳින මයිකල්ව දකී. ඒ ඔහුගේ ගොදුරකි. භාග්‍යා ඉදිරියේ මයිකල්ව මරා දමන්නට ඉරේෂ් සමත් වෙයි.

භාග්‍යාගේ ඉලක්ක වෙනස් වෙයි. භාග්‍යා ඉදිරියේදී තවත් දිනක කළුවා නැමැති ඩයස්ගේ හා රෝස්ගේ ගෝලයෙකු ඉරේෂ් මරා දමා පැන යයි. භාග්‍යා ද ඔහුව ලුහුබඳියි.

ඉරේෂ්ගේ නිවසට රිංගා ගන්නට භාග්‍යා සමත් වෙයි. එහි ඉරේෂ් තවත් තරුණියක් සමඟ සිටින ඡායාරූප විශාල ප්‍රමාණයක් දිස්වෙයි. භාග්‍යා එය තම ජංගම දුරකථනයෙන් ඡායාරූපගත කර ගනියි.

තවද දින පොතක් දකින ඇය වහා එය තම බෑගයට දමා ගනියි.

නැවත වටපිට නිරික්ෂණය කරන ඇය මේ වන තෙක් මියගිය පුද්ගලයින්ගේ ඡායාරූප කිහිපයක් දැක පුදුමයට පත් වෙයි. එම ඡායාරූපවල මියගිය පුද්ගලයින් කතිර දමා සටහනක් තබා ඇති අතර, එක් ඡායාරූපයකට සටහනක් දමා නැත.

එම ඡායාරූපයේ සිටිනුයේ ඩයස්ගේ පුත් රෝස් බව දර්ශනය වෙයි. එය නරඹමින් සිටින භාග්‍යා එක්වරම ඉරේෂ්ට හසු වෙයි.

කෙසේ හෝ භාග්‍යා එතනින් පලායන අතර ඇය වහා රෝස් හමු වී ඉරේෂ් ගැන සියලු විස්තර රෝස් හට පවසයි.

ඉන් වියරුවන රෝස් තම සගයින් සමඟ එක්ව ඉරේෂ්ව අල්ලාගෙන ඉරේෂ්ට පිහියෙන් ඇන ත්‍රීරෝද රථයකට දමා ගිනි තබා රෝස් ඇතුළු මැරවරයින් පලායයි.

පිලිස්සුණු ඉරේෂ් රෝහල් ගත කරන අතර ඔහු මිය යන්නේ නැත. වෛද්‍යවරුන්ට හා පොලිස් නිලධාරින්ට ඔහුව හඳුනාගත නොහැක. ඔවුන් ඉරේෂ්ගේ ජීවිතය බේරා ගැනීමට ශල්‍යකර්මයකට භාජනය කිරීමට සිදු වී තිබේ.

ඉරේෂ්ගේ පිලිස්සුණු ජංගම දුරකථනය පරික්ෂා කරන පොලිස් නිලධාරින් එහි ඇති ඡායාරූපයක් ගෙන බලයි. එම ඡායාරූපය රෝස්ගේ ඡායාරූපයයි.

පොලිස් නිලධාරීන් හා වෛද්‍යවරුන් පිලිස්සී සිටින පුද්ගලයා ඉරේෂ් බවට අනුමාන කර ශල්‍යකර්මය සිදු කරයි.

භාග්‍යා පෙර දිනක ඉරේෂගේ නිවසෙන් ගෙනා දිනපොත කියවන්නට පටන් ගනියි.

ඉරේෂ් මරා දමනුයේ තම පෙම්වතියගේ ඝාතකයන්ය. ඉන් පලිගැනීමට ඉරේෂ් මිනීමරා ඇති බවට භාග්‍යාට වැටහෙන්නට පටන් ගනියි. රෝස්ගේ විවාහ සංවත්සර උත්සවයට සහභාගි වීමට භාග්‍යාට ආරාධනාවක් ලැබෙන්නේ මේ අතරය.

භාග්‍යා එම සාදයට සහභාගි වෙයි. එහිදී භාග්‍යා රෝස්ගේ බිරිඳ ද දකියි. ඇය ඉරේෂ්ගේ මැරුණු පෙම්වතිය බව පිළිබිඹු වෙයි. ඉන් කලබලයට පත්වන භාග්‍යා අනතුරුව මොවුනගේ ආදර කතාව සොයන්නට පටන් ගනියි.

ඉරේෂ් ශල්‍යකර්මයෙන් පසු ඔහුගේ මුහුණ බලයි. තමාට ශල්‍යකර්මයේ දී රෝස්ගේ මුහුණ මෙන් සමාන මුහුණක් සාදා ඇත. එය දකින ඉරේෂ් වියරුවෙන් කෑගසයි.

එහෙත් එය තම වාසියට හරවා ගන්නා ඉරේෂ් රෝස් මෙන් හැසිරෙන්නට පටන් ගනියි. ඔහු රෝස්ගේ නිවසට ද යන අතර ඔහුට අදහාගත නොහැකි වන ලෙස ඔහුගේ පෙම්වතිය (අමායා) රෝස්ගේ බිරිඳ බවට තහවුරු කරගනියි.

අමායා මේ සමඟ ඉරේෂ් බව හඳුනා ගනී. සිදු වන්නේ කුමක්ද?

පසුගිය වසරේ උලත් එකයි පිලත් එකයි චිත්‍රපටය අධ්‍යක්ෂණය කළ හර්ෂ උඩකන්දගේ දෙවැනි චිත්‍රපටයයි මේ.