වර්ෂ 2018 ක්වූ ජුනි 20 වැනිදා බදාදා




බොරුවෙන් ජීවත්වීමට උපන් හපන් වලිසිංහගේ කතාව
වේගයෙන් පෙරට RACE 3
වස්සානයේ සඳ පායයි
රජිනි නැවතත්
එක වගේ දෙන්නෙක් ජරමර ගොඩක් එල ඩබල
සුළි කුණාටු මැද ඔබ තනිවුවහොත්
සිනමාවට එක්වන සුරූපී නිළිය මිස් ජෙනිස්
හන් සෝලෝගේ කතාව 25 වැනිදා සිට ලොවපුරා
සැබෑ සෙනෙහසේ අසිරිමත් රිද්මය වස්සානයේ සඳ
ඇන්තනි රූසෝ හා ජෝ රූසෝ අධ්‍යක්ෂණයක්
සුවඳ මල් නිතර පිපියන් රන්කඳට බිම්බා දේවි හෙවත් යශෝධරා
ඇත්තටම බිය දැනෙන විශිෂ්ට චිත්‍රපටයක් A Quiet Place
අමෝරාගේ විපර්යාසය ගැන කියවෙන අමෝරා
මධුර චාරිකා ආදායමට වඩා මා ලද ජය වැඩියි
පිරුණු සඳ ඇති රැයක උදාවිය ‘අමාවක’
පෙනුම පක්ෂියෙක් ඇතුළේ කොටියෙක් The Jungle Bunch
ආදරයට අලුත් අරුතක් වෛෂ්ණාවී
දකුණු ඉන්දීය සිනමා කර්මාන්තයේ දැවැන්ත වැඩ වර්ජනයක්
සැලීගේ ජීවිතය රැක ගන්න මානුෂික මෙහෙයුමක් ‘හොරා අන්කල්’
ත්‍රස්තවාදීන් දණ ගැස්සූ 7 Days in Entebbe
මෙවර ඔස්කාර් සම්මානය දිනූ චිත්‍රපටය
සීතල කඳුකරයේ යුවතියන් පමණක් හෙළි කළ රහස
සුළි සුළං මැද කොල්ලයක්
Manikya Malaraya Poovi ගීතයට ඉහළ ප්‍රසිද්ධියක්
ඇලඩින් වෙයි
හිරු මිනිසාගේ නව බලය samson
ඩී. එස්. සේනානායක චරිතයේ සලරුව ‘නිදහසේ පියා ඩී. එස්.’
නොමැති වස්තුවක් කොල්ල කෑමට වෙර දරන දෙපිලක්
සත්‍ය සිදුවීමක් රැගත් දේශපේ‍්‍රමි කතාවක්
ලංකාවේ ප්‍රශ්නයක් ඉන්දියාවේ කතාවක්
රහසක් අරමුණක් අතර ගෙවෙන එක් රැයක්
අද කාලයේ යුවතියක අතින් තැනුණු අපූරු චිත්‍රපටයක්
පිය සෙනෙහස තරම් සවියක් දියණියකට තව කොයින්ද

යමරජු හමුවන සොහොන් පල්ලන්ගේ කතාව යම රජ සිරි

ජෝන් සහ මාටින් ගජ මිතුරන් දෙනෙකි. වෘත්තීයෙන් ඔවුන් කනත්තක මුරකරුවන්ය. ආර්ථික ප්‍රශ්න එමට ඇති ජෝන් සහ මාටින් දුකසේ ජීවිතය ගත කරති. දිනෙක රාත්‍රියේ ඔවුන් දෙදෙනා කනත්ත මුර කරද්දී එක්තරා එළියක් පෙනෙයි. ඒ ආලෝකය අමුතුය.

එහෙයින් ජෝන් සහ මාටින් ඒ දෙසට යති. එළිය අතරින් පැමිණෙන දෙදෙනෙකි. රජ ඇඳුමින් ඔවුන් සැරසී ඇත. එහෙයින් ජෝන් සහ මාටින් ඒ දෙදෙනාට නාට්‍යකරුවන් යැයි සිතා බැන වදිති.

ඒ ලෙස පැමිණ තිිබෙන්නේ යමරජු සහ ඔහුගේ සෙනවියාය. ඒ දෙදෙනා කොතරම් තමන් ගැන හඳුන්වා දුන්න ද ජෝන් සහ මාටින් ඔවුන් ගැන සැක කරති.

අවසනදී යම රජ ගිනිජාලා මවමින් ඉන්ද්‍රජාලයක් සිදු කරයි. ජෝන් සහ මාටින් තුෂ්නිම්භූත වෙති. යම රජ ඉදිරියේ වැඳ වැටෙන ඔවුහු ලංකාවට පැමිණියේ ඇයිද යන වග අසති.

එවිට යම රජු පවසන්නේ මේ ගමන ආවේ පංච කල්‍යාණයක් සොයා ගැනීමට බවය. ඒ කාර්යය ඔහු බාර දෙන්නේ ජෝන් සහ මාටින්ටය.

ඒ වෙනුවෙන් මුදල් ඇතුළු සියලු පහසුකම් යමරජු ජෝන් සහ මාටින්ට ලබා දෙති. මේ දෙදෙනා යම රජුට කාන්තාවක් සොයති. ඒ අතර නිල්නයනි නමැති තරුණියක් හමුවෙයි.

ජෝන් සහ මාටින් ඇයට යම රජු ගැන පවසති. මුලදී අකැමැති වුවත් නිල්නයනි පසුව යම රජු හමුවීමට කැමැත්ත ප්‍රකාශ කරයි.

යම රජුගේ මේ කාර්යය හේතුවෙන් ජෝන් සහ මාටින් නිතර නිතර නිල්නයනිව හමුවේ. එහෙයින් ඒ දෙදෙනා නිල්නයනිට ආදරය කරන්නට පටන් ගනිති.

යම රජුගේ කාර්යය අමතක වේ. මේ අතර යම ලෝකයේ සිට යම රජු ජෝන් සහ මාටින්ගෙන් පණිවුඩයක් එනතුරු කල්මරති. යම රජුගේ වෙනස් හැසිරීම හේතුවෙන් යම දේවිය ඔහුව සැක කරයි.

කාරණාව සොයා බලන කළ යම දේවියට ඇත්ත හෙළිවේ. ඇය විශේෂ බලයකින් ලංකාවට පැමිණෙයි. නිල්නයනිව ද සොයා ගනියි. ඇය නිල්නයනිගේ වේශය ගනියි. එතැන් පටන් යම දේවිය සියල්ලන් රවටයි.

සජීව සංකල්ප අධ්‍යක්ෂණය කළ යම රජ සිරි සිනමාපටයේ කතා පුවත ගලා යන්නේ එලසින්ය. වසර ගණනාවකට පසු ටෙනි බන්දු යුවළ එකට රංගනයේ යෙදෙන මෙම සිනමාපටය ප්‍රහසනාත්මක ගණයට වැටෙනා සිනමාපටයකි.

මෙහි ප්‍රධාන නිළි භූමිකාවට පණ පොවන නදීශා හේමමාලිගේ ද පළමු ප්‍රහසන සිනමා සිතුවම වන්නේ ද මෙයයි.