වර්ෂ 2018 ක්වූ සැප්තැම්බර් 26 වැනිදා බදාදා




සනත් ගුණතිලක රංග විමර්ශනය 21 එළිදකී
රාජ්‍ය ළමා නාට්‍ය උලෙළ 20 ඇරඹෙයි
විශ්වවිද්‍යාලයකින් එන ප්‍රථම වෘත්තාන්ත චිත්‍රපටය
නිහාල්, ටෙනී, චන්දන 15 වැනිදා මොරටුවේදී උපහාර ලබති
සරසවිය ඇරයුමෙන් මොනරාගල ආ කලාකරුවෝ
‘ඝරසරප’ට ඉහළ ප්‍රතිචාර
නිළි රැජණ රංගප්‍රාප්තියේ ස්වර්ණ ජයන්තිය
ඝරසරප මංගල දර්ශනය දා
සෝමවීර තෙමස් සැමරුමට අපි තවමත් සංසාරේ උත්සවය 28 දා
ගයාන්-චතුරිකා එක්ව එකම රෑනේ කුරුල්ලෝ තනති
මාලිනී ෆොන්සේකා අභිනන්දන උලෙළ 22 දා B M I C H හිදී
ඩිනාරා පුංචිහේවා තිරයට හඳුන්වා දෙන සජිත අනුත්තර ප්‍රධාන චරිතය මවන ප්‍රසන්නගේ ගාඩි ඔක්තෝබර් 5 වැඩ ඇරැඹේ
මිණිගං දෑලක ජීවන අන්දරය
ගෝල් - ඇලඩින් අද තිරයට
තිස්ස ගුණවර්ධනයන් දැයෙන් සමුගනී
කිරිබත්ගොඩට අරුණ උදාවෙයි
ඉවත හෙළයි ශෝක සුසුම් දෙලොවක් අතර
අලුත් වැඩක
‘යශෝධරා’ මට අභියෝගයක් වුණා
ජෝති සමරුවට ප්‍රදර්ශනයක්
චිත්‍රපට බෙදාහැරීමට ක්‍රමවත් නියාමනයක් ඇති කරනවා
‘යශෝධරා’ මට අභියෝගයක් වුණා

‘යශෝධරා’ මට අභියෝගයක් වුණා

වස්ත්‍රාභරණ නිර්මාණ ශිල්පී

තිලිණ ලක්ෂාන් හෙට්ටිගමගේ

තිරය ඉදිරියේ පෙළහරපානා නළු නිළියන් බොහෝ දෙනෙකු ගැන පුවත්පත් ලිපි පළවුණත් ඔවුන් හැඩකරන්නෝ පිළිබඳ ලියැවෙන්නෙ හුඟක් අඩුවෙන්. ඒ වගේම ඒ අය වැඩිය මාධ්‍යයට එන්නෙත් නැති තරම්. කෙසේ වෙතත් තිරපිටුපස සිටින උදවිය නිර්මාණයක් වෙනුවෙන් කරන කැපකිරීමත් සුළුපටු නැහැ. අප එක්කාසුකරගත්තා එවන් වූ නිර්මාණකරුවෙක්ව. ඔහු නමින් තිළිණ ලක්ෂාන් හෙට්ටිගමගේ. මේ දිනවල අතිසාර්ථකව තිරගතවන යශෝධරා චිත්‍රපටයේ වස්ත්‍රාභරණ නිර්මාණය කළේ ඔහු.

මගෙ ගම මාතර. ඉගෙනගත්තෙ රාහුල විදුහලෙන්. මං උසස් පෙළ කළේ විද්‍යා අංශයෙන්. පාසල් අධ්‍යාපනයෙන් අනතුරුව මට ෆැෂන් ඩිසයින් හදාරන්න හිතුණා. ඒ මගෙ ඇඟේ තියෙන්නෙ ඒ විෂය කියලා දැනුණ නිසා. පෞද්ගලික විශ්ව විද්‍යාලයකින් ඒ ගැන උපාධියක් දක්වා ඉගෙන ගත්තා. ඔය අතරෙ මං රැකියාවකට යනවා. ටිකකලක් එහෙම ඉන්න ගමන් මට මාගේ උපාධියෙන් ප්‍රයෝජනයක් ගන්න හිතෙනවා. ඉතින් මං කළේ පාර්ට්ටයිම් කලාකරුවන්ට කොස්ටියුම් හදපු එක. ටීවී චැනල්වල ප්‍රෝග්‍රෑම්වලට සම්බන්ධවෙලා හිටපු කලාකරුවන්ට තමයි එහෙම කළේ. ඉන්පසුව මට දිගටම චැනල්වලින් කතා කළා. ස්ථිර සේවකයකු විදිහට මං සිරස ශක්ති සහ ටීවී 1 යන චැනල්වල වැඩසටහන්වලදි කොස්ටියුම් ඩිසයිග්න් කළා. ඔය කාලයේ තමයි මට මුණගැහෙන්නෙ රේණුකා බාලසූරිය මහත්මිය සහ පූජා උමාශංකර්ව.

ඔවුන් මගෙ නිර්මාණ දැකලා මාව සුනිල් ආරියරත්න සර්ට හඳුන්වා දෙනවා. පූර්ව සූදානමක් පවා නැතිව මාව තදින්ම විශ්වාස කරලා ඔහු මට අලිකතාව චිත්‍රපටයේ කොස්ටියුම් බාරදුන්නා. පිටපතත් එක්ක රැඳී සිටලා මං ඒ නිර්මාණය සාර්ථක කරගන්න උරදුන්නා. කාලවකවානුවක් නැතත් ඒක රජ කතාවක්. ඒ නිසා අඩුවක් නොවෙන්න වැඩ කළා. සුනිල් සර්ගෙ හිතේ තිබුණු අන්දමටම මං ඇඳුම් නිර්මාණය කළ නිසා ඒ විශ්වාසය මත ඔහු යශෝධරා චිත්‍රපටයට මට ආරාධනා කරනවා. මට ඒ ආරාධනාව ඇත්තටම පුදුමයක්. ඒ වාගේම අභියෝගයක්. පොඩි බයකුත් තිබුණා. ඒ කොතැනකදිවත් වරදින්න බැරිනිසා මේක බෞද්ධ කතාවක් නිසා මං පේ වුණා. වෙජිටේරියන් විදිහට කෑමකන්න පටන් ගත්තා. මෙහි ප්‍රධාන නළු නිළි යුවළ ඉන්දියාවෙ. ඒ නිසා අපට හමුවන්න බැරිවුණා. නව තාක්ෂණය ඔස්සේයි ඔවුන්ගෙ ඇඳුම්වල මෙෂර්මන්ට් ගත්තෙ. ඒකත් මට හොඳ අත්දැකීමක් වණා.

මං බයෙන් හිටියෙ පල්ලවී මා නිර්මාණය කළ ඇඳුම් ඇඳ බලනකම්. ඇයට ඒවා හරියටම හරිගියා. අපි ඇඳුම්වලට අමුද්‍රව්‍ය ගෙනාවෙ ඉන්දියාවෙන්. ඒවගේ වියදම්කරලා මෙහි ඇඳුම් සැකසුවේ. මේ චිත්‍රපටයෙන් පසුව සුනිල් සර් ඔහුගේ ඊළඟ චිත්‍රපටයටත් කතා කළා. පෞද්ගලික හේතුවක් මත මට එයටනම් යන්න බැරිවෙනවා. කෙසේ වෙතත් සුනිල් සර්ට මං තුතිපුදනවා මට මේ අවස්ථාවන් දුන්නට. යශෝධරා චිත්‍රපටයේ රූගතකිරීම්වලින් අනතුරුව ඒ ඇඳුම් සියල්ලම මා සතුව තිබුණේ. ඒ අතර තිබුණු සිවුරු සියල්ල මා පූජා කළා. එයත් මට අමතක නොවන අත්දැකීමක්.