ගැහැනු සිතක හැටි කියන් එකම නිළියක රඟ බලන්...

ජූලි 15, 2021
රෙබෙකා දිල්රුක්ෂි “ආදරයේ ඔංචිල්ලා” නාට්‍යයේ

 

විදෙස් නිළි රැඟුම් අන්තර්ගත චිත්‍රපට රාශියක් ලාංකේය සිනමාවේ දක්නා ලැබේ. ("ට්ධඤ ඬඪදඨ" - ඈන් ලෝස්, "අචථනචඨඥ"- මේරි ටැම්, "සීතාදේවි" - මම්තා ශංකර්, "පයිලට් ප්‍රේම්නාත්" - ශ්‍රී දේවී, "නංගුරම්" - ලක්ෂ්මී, "වසන්දත්තිල් ඔරු වානවිල්"- රාධිකා, "පෙරළිකාරයෝ"- තනූජා මුඛර්ජි, "නොමියෙන මිනිසුන්" - සූස්මා අහූජා, "සිහින දේශයෙන්" - මොලී කැස්ටෙල්ලෝ, "රඹා සහ මධූ" - සබීතා අස්රානි, "රෝස කැලේ"- මොනිකා මරුතිරාජ්, "ලීඩර්"- අදීන් ඛාන්, "ඔබ නැතුව ඔබ එක්ක" - අංජලී පටිල්, "ශ්‍රී සිද්ධාර්ථ ගෞතම"- ආන්චල් සිං, "යශෝධරා"- පල්ලවි සුභාෂ්, "ඒජජධපඤඪදඨ බධ ර්චබබඩඥඹ"- ජැක්ලින් ෆර්නැන්ඩස් යනාදීහු මීට සනිදර්ශිත වෙත්. ඉන්දියානු චිත්‍රපටවල රඟපා ඇතත් පූජා උමාශංකර් මෙයට මා ඇතුළත් නොකරන්නේ ඇය අද ලාංකේය නිළියක බවට පත් වී ඇති නිසාවෙනි. ජැක්ලින් මෙරට උපත ලැබූවත් ඇය ඉන්දියානු නිළියක බවට පත් වූවාය.) සිනමාවේ තතු එසේ වූවත් විදෙස් නිළියක රඟපෑ ලාංකේය වේදිකා නාට්‍යයක් සෙවීම කළුනික සෙවීමක් වැන්න. එහෙත් ලාංකේය නාට්‍ය වංශය දෙස විමංසනාක්ෂිය හෙළීමේදී එබඳු විරල අවස්ථාවක් හමු නොවන්නේ නොවේ. විදෙස් නිළියක රඟපෑ ලාංකේය ප්‍රථම නාට්‍යය අධ්‍යක්ෂණය කිරීමේ පුරෝගාමීත්වය ප්‍රවීණ නාට්‍යවේදී එම්.සෆීර්ට හිමි වේ. ඔහු මෙරට පළමුවරට අන්තර්ජාතික නාට්‍ය උලෙළක් සංවිධානය කළ බැව් නොදන්නෝ කවරහුද ? 2015 වසරේ මේ නාට්‍ය උලෙළ සඳහා සහභාගී වීමට ඉතාලි ජාතික නිළියක, ශාරීරික අභ්‍යාස පුහුණු උපදේශිකාවකද (ර්‍ථඩරඵඪජචත බපචඪදඪදඨ ඒජබපඥඵඵ) වූ ජූලියා ෆිලිප්පෝ නමැති රංග ශිල්පිනිය ලංකාවට පැමිණියාය. යුරෝපීය නාට්‍ය රැසකට දායක වී සිටි ඇයට ආසියානු නාට්‍යයකට දායක වී ඒ අරභයා අත්දැකීම් ලබාගැනීමට ආශාවක් තිබිණ. අන්තර්ජාතික නාට්‍ය උලෙළ ඔස්සේ සෆීර් හඳුනා ගත් ජූලියා, මෙරට නාට්‍යයක රංගනයෙන් දායක වීමේ කැමැත්ත ඔහු වෙත හෙළි කළාය. එම්. සෆීර් අධ්‍යක්ෂණය කළ පස්වැනි අන්තර්ජාතික නාට්‍යය වූ "ඉඹඪදඨඵ ධට තධමඥ" (2017) හී කථානායිකාව ලෙස ජූලියා තෝරාගැනුණේ මෙහි ප්‍රතිඵලයක් වශයෙනි.

සෆීර්ගේ එකී ඉංග්‍රීසි නාට්‍යය බිහි වූයේ සිංහල නාට්‍යයෙන් පසුව‍ය."ආදරයේ ඔංචිල්ලා"නම් වූ මේ නාට්‍යයෙහි පෙළ සෆීර්ගේ සංකල්පයකට අනුව රචනා කරන ලද්දේ ප්‍රකට ලේඛකයකු, තිරකතා රචකයකු වූ මංජුල වෙඩිවර්ධන විසිනි. මංජුලගේ පෙළ එලෙසින්ම සෆීර් භාවිත නොකොට යම් යම් වෙනස්කම් සිදු කළේය. එනම් මේ නිෂ්පාදනයේදී නාට්‍යවේදියා වර්ණවල සංකේතානුරූපී සන්නිවේදනය ප්‍රාබල්‍යයෙන් උපයුක්ත කොට ගත් බැව් පෙනේ. මේ වූ කලී ඒකපාත්‍ර නාට්‍ය (ර්ධදධඤපචථච) ප්‍රභේදය නියෝජනය කළ එකම නිළියක පමණක් රඟපෑ නාට්‍යයකි. ඒකපාත්‍ර නාට්‍යවල රංගනයෙන් දායක වනුයේ එක නළුවකු හෝ නිළියක පමණි.එනම් එහි දක්නට ඇත්තේ එක් චරිත නිරූපණයක් පමණකි. මුළු නාට්‍යය පුරා එකම නළුවකු හෝ නිළියක එක චරිතයක් රඟපෑම අභියෝගාත්මක, වෙහෙසකර කර්තව්‍යයකි. අනෙක් අතට සමස්ත නාට්‍යය ප්‍රේක්ෂක අවධානයෙන් ගිලිහී යා නොදී තබා ගැනීමද නාට්‍යවේදියාට මෙහිදී පැවරෙන අභියෝගයකි. පර්යේෂණාත්මක නාට්‍ය මෙරට සුලබ නොවූ සමයක සෆීර්ගේ මේ අනර්ඝ වෑයමට මෙරට විචාරකයන්ගෙන් ප්‍රමාණාත්මක ඇගැයුමක් නොලැබීම කනගාටුවට හේතුවකි.

ස්ත්‍රීත්වය හා ප්‍රේමය මෙහි තේමාව වේ. ප්‍රේමයේ ස්වාභාවික මනෝභාවයන් වන ආදරය, ලිංගිකත්වය හා ප්‍රචණ්ඩත්වය මඟින් ජනිත කරන්නා වූ සංවේදනය මෙමඟින් විග්‍රහ කෙරේ. නිශ්චිත ආරම්භය හා අවසානය හැරුණු විට තවත් රංග හතරක් මෙහි දක්නා ලැබේ. මෙහි සංවාද මුළුමනින්ම කාව්‍යාත්මකය.

නාට්‍යය ආරම්භයේ දී මෙහි එකම ස්ත්‍රී භූමිකාව මෙසේ කියනු ඇසේ.

 

"ඔබ කී දේ මගේ කටහඬින් පුනරුච්චාරණය කරන්නට අවසර......

මගේ කටහඬින් කියන්නේ

මගේ වචනයෙන්...

මගේ වචනයෙන් කියන්නේ

මගේ අර්ථයෙන්.....

මගේ අර්ථයෙන් කියන්නේ

මගේ රිද්මයෙන්........

මෙන්න ඒ රිද්මය...

මෙන්න ඒ රුකුල් ගැනීමේ රිද්මය.....

ආදරය චලනය වීමේ රිද්මය....

ජීවිතය චලනය වීමේ රිද්මය...

ස්ත්‍රියක චලනය වීමේ රිද්මය...

ඔංචිල්ලාව යනු ආදරය......

ඔංචිල්ලාව යනු ජීවිතය.....

ඔංචිල්ලාව යනු ස්ත්‍රීයාව....

ඔබ මා තුළින් ඔබව දුටුවා දැයි

මා දන්නේ නැහැ

ඒ වුණත් මා, මා තුළින් ඔබව දකිනවා

ඔබට පුළුවන්ද කියන්න,

මට මා තුළින් මා දකින්නට නොහැකිද ?

ස්ත්‍රිය වටහා ගන්නට

වෙර දරන්නට එපා

ඇයට, ඔව් ආදරය දෙන්න

ඔබ කියනවා

 

ඉදින්,

ස්ත්‍රිය වටහා ගන්න

වෙර දරන්නට එපා

තේරුමක් නැහැ

ආදරය කියන්නේ

අයිතිකර ගැනීම නෙවෙයි

ආදරෙයි නම් ඔබ මලකට

නෙළා ගන්නට

එපා ඒ මල

ඇත්ත ආදරය තුළ

මල දැකගන්න

මල විඳගන්න

මල සිපගන්න

ඒත් මල නටුවෙන් සිඳගන්න එපා

එවිට මල මුකුළිතව මියෙනව

ඔබ කියන දේ ඇත්ත

ආදරය කියන්නේ

අයිති කරගැනීමට නෙවෙයි

ආදරය කියන්නේ දැකගැනීම

ආදරය කියන්නේ විඳගැනීම

ආදරය කියන්නේ සිපගැනීම

ඒත් ආදරයට බැහැ පැහැරගන්න

දෙඅතින්, දෙඇසින් නෙමෙයි

දෙතොලින් වත් පැහැරගන්න

 

ඒත් ආදරයට පුළුවන් ළංවෙන්න

හුස්මෙන් හුස්ම උහුලන තරම් ළංවෙන්න ඉතින් ළංවෙන්න

ස්වර්ගීය සිපිරිගෙයින් මිදෙන්නට

ඔබට පුළුවන් නම් ඉතින් ළංවෙන්න

 

සිතුම් එළිවෙන්නට ඇති

නොසිතූ මඟ.....

රුකුල් හඬ දෙන්නට ඇති

නිහඬ මඟ...

ඉතින් වෙන් වෙන්නට ඇති

ළඟම මඟ....

ළංවීම විතරයි "

මේ වූ කලී ගැහැනුන්ගේ ආදරේ හැටි කීමට තැනූ ප්‍රබල ස්ත්‍රීවාදී (ජ්ඥථඪදඪඵථ) හැඟීම් කුළුගන්වන නාට්‍යයකි. එහෙත් මේ ස්ත්‍රීවාදී නාට්‍යයෙහි අරුමය නම් එකම නිළිය හැරැණුකොට මෙහි සෙසු සියලු අංශවලින් පුරුෂ පක්ෂය දායක වීමය.මංජුල වෙඩිවර්ධනගේ පිටපත දිලිනි ඊරියවල ඉංග්‍රීසියට නැඟූවාය. සෆීර්ගේ "ඉඹඪදඨඵ ධට තධමඥ" ඉංග්‍රීසි නිෂ්පාදනයේ ජූලියා ෆිලිප්පෝ රඟපෑ එකම නිළි භූමිකාව "ආදරයේ ඔංචිල්ලා" සිංහල නිර්මාණයේ රෙබෙකා දිල්රුක්ෂි නිරූපණය කළාය. මෙය ඇයටද අභියෝගාත්මක චරිතයක් බවට පත් විය.

ඉතාලි රංගන ශිල්පිනිය මෙන්ම ස්ත්‍රී දේහයෙහි නාරි ලාලිත්‍යයෙහි සෞන්දර්යය පිළිබිඹු කෙරෙන වස්ත්‍රවලින් සැරසීමට රෙබෙකාද මැළි නොවූවාය.

 

ඉතිරි කොටස ලබන සතියේ...