Feedback

Week of මැයි 13, 2021

සැබෑ නම යටගොස් - වාසනා ගෙනා නම්
මැයි 13, 2021 ~ සරත් සේනාධීර - ~ ජා ඇල

 

නෝනා යොහාන් ජෙට්සි - ජෙම්නි කාන්තා

දොන් රියුටන් නානායක්කාර - ඩී.ආර්. නානායක්කාර

ෂේන් ඇල්ප්‍රඩ් විජේතුංග ගුණරත්න - ෂෙන් ගුණරත්න

පර්ල් පීටර් - පර්ල් වාසුදේවි

පිටියගේ මර්වින් පියදාස ජයතුංග - මර්වින් ජයතුංග

රුබි යෙස්මින් පෙරේරා - රුබිද මැල්

ලයනල් දන්තනාරයන - ලයනල් දැරණියගල

කෝවිලගේ ජීවාන් කුමාරතුංග - ජීවන් කුමාරතුංග

කෝවිලගේ විජය ඇන්ටන් කුමාරතුංග -

විජය කුමාරතුංග

හෙට්ටිආරච්චිගේ රෙජිනෝල් ජෝතිපාල -

එච්.ආර්. ජෝතිපාල

වසන්තා ඩොරින් පිටර්සන් වසන්ති චතුරාණි

වර්ණකුල සූරිය උස්වත්ත ලියනගේ සබීතා ජානකී පෙරේරා - සබීතා පෙරේරා

හෙට්ටිආරච්චිගේ දොන් මාක් කොන්ඩ්රඩ් සේනාරත්න සමරනායක් - මාක් සමරනායක

ජොසප් මැනුවෙල් ඇලෙක්සැන්ඩර් ප්‍රනාන්දු

ඔබොඩගේ ඩොමිද සිල්වා ජයවර්ධන ඩොමි ජයවර්ධන

කප්පිනදේගේ හර්බට් මැන්දිස් සෙනෙවිරත්න

හර්බට් එම් සෙනෙවිරත්න

 

 

 

 

සුරලොව නොසිට එනු මැන විජය-ජෝති
මැයි 13, 2021 ~ ජගත් චන්ද්‍රසිරි / පූජා ජගත්සිරි ~ - පස්යාල


 විජය කුමාරතුංගයන් මිය ගොස් වසර 33 කි. එච්.ආර්. ජෝතිපාලයන් මියගොස් වසර 34 කට ආසන්නය. ඔවුන් දෙදෙනාම ජීවතුන් අතර නැතත් අදටත් ජනපි‍්‍රයම නළුවා විජයය. ජනපි‍්‍රයම ගායකයා ජෝතිය. එයට රියැලිටි විනිශ්චය අවශ්‍ය නැත. ජනතා මනාපය, ජනතාවගේ හදවතේ පතුලේම මේ දෙදෙනා සැමදා ජීවත් වේ. හෙට උපදින දරුවන් ගෙන්ද තරමක් දැනුම් තේරුම් වනවිට විජය ජෝති ගැන විමසුවොත් ඔවුන් විජය හා ජෝති ගැන පවසාවි. විජය ජෝති මිය ගිය දා සිටම මේ දෙපළ වීමට දඟලපු දඟලන අය බොහෝය. ඒවා නිශ්ඵල ක්‍රියාවන්ය. හරියට සබන් පෙන වගේය. මෙම දෙපළ නිසා කෝටි ගණන් හම්බ කර ගත් අයද සිරිලක පුරාම ඇත. ජාතියේ පිනට පහළ වූ විජය හා ජෝති සුරලොව නොසිට එනු මැන මේ දෙරණට.

  

දසසිල් මාතාව වූ සුභාෂිනී අගයමුද?
මැයි 13, 2021 ~ පාලක සමන් පෙරේරා - ~ හැදල


 
 1967 වර්ෂයේ ප්‍රදර්ශනය වූ ආචාර්ය ලෙස්ටර් ජේම්ස් පිරිස් ශූරින් විසින් නිර්මාණය කළ “ රන්සළු” චිත්‍රපටයේ දස සිල් මාතාවක් ලෙස රංගනයෙන් දායක වූ සුභාෂිණී අතුකෝරළව අගයමු.
 සිනමා ක්ෂේත්‍රයට පිවිසීමට කැමැත්තක් දැක්වූ සුභාෂිණී අතුකෝරළ තම කේශය මුඩු කොට කසාවතින් සැරසී දස සිල් මාතාවක් ලෙස කළ ප්‍රබල භූමිකාව අදටත් පේ‍්‍රක්ෂක හදවත් තුළ රැඳී ඇත. එවන් මොහොතක ඇය පිළිබඳව කිසිදු තොරතුරක් පුවත්පතක පළ නොවීමත් එය සිනමාලෝලීන් සහ ප්‍රවීණ කලාකරුවන් හට දැනගැනීමටත් අවස්ථාව උදා නොවීම අපගේ බලවත් කනගාටුවකි.
 

ගායනය - රංගනය එක් කළ චන්ද්‍රානි ගුණවර්ධන
මැයි 13, 2021 ~ එච් ඉන්ද්‍රපාල - ~ මුංහේන/ නැන්දා


 

 තුං තුඹ මල් රෙද්ද ඇදලා බන්ධිවලලු, දෑත දමාලා ලොකු නැන්දා එනවා අපේ දියාවේ. මල් කෙල්ලක් මං මල්දෙන්නම් මං යන සවනට සිය ගීත ගායනාවන් ප්‍රේක්ෂක දෙසවනට යොමු කළ චන්ද්‍රානි ගුණවර්ධන විශිෂ්ට ගණයේ ප්‍රවීණ ගායන ශිල්පිනියකි. ගීත ගායනයට සාපේක්ෂව එතුමිය රංගන ශිල්පිනියකි. වේදිකාවත් සිනමාවත් සංසන්දනය කළ මේ අද්විතිය ගායන ශිල්පිනිය අද වනවිට සිය දිවියේ 74 වන වසර සමරමින් සැදෑ සමය ගත කරන චන්ද්‍රානි ගුණවර්ධන නම් ප්‍රවීණ ගායන ශිල්පිනියට රසික පේ‍්‍රක්ෂක අපි මහත් බැතියෙන් යුතුව චීරජීවනය සහිත දීර්ඝායුෂ ප්‍රාර්ථනා කරමු.
 

වසන්ති චතුරාණිට
මැයි 13, 2021 ~ චන්දන වන්නිආරච්චි - ~ දෙහිඅත්තකණ්ඩිය



 සිනමාව පුංචි තිරය හැඩකළ වසන්ති චතුරාණිි අපට කිසිදා අමතක කළ නොහැකිය.
 සිංහල සිනමාවේ තරු ගුණය ප්‍රකට කළ ඔබගේ මනරම් රැඟුම් අදටත් පේ‍්‍රක්ෂකයා තුළ රැදී තිබේ. පසුකලෙක ටෙලිනාට්‍ය නිෂ්පාදකවරියක් ලෙසින් ද කටයුතු තරමින් ඔබ කලාවට කළ මෙහෙවර කිසිදා අපට අමතක නොවේ.
 

සුළඟක් සේ නොපෙනී ගිය ආනන්ද හේවා
මැයි 13, 2021 ~ ආනන්ද වික්‍රමආරච්චි - ~ ඉහළ තල්දූව


 
 
 හෙළ ගී සාහිත්‍යයට අර්ථපූර්ණ මෙන්ම රසපූර්ණ ගී පදවැල් රැසක් තිළිණ කළ ප්‍රතිභාපූර්ණ ගී පද රචකයෙකු වූ ආනන්ද හේවා රංහිදගේ අකාලයේ සමුගෙන බොහෝ කල් ගියද ඔහුගේ ගීත කිසිදා අමතක නොවේ. ඔහු ඉතාමත් කෙටි කලකින් මෙරට රසිකයන් අතර ඉතා ජනපි‍්‍රය වීය. “ සුළඟක් වී මම” “දෙව්රේ දිලෙනා” “ පිරිත්පොතක් සේ අහසට සොඳුරු ද සඳ” “දීපා වලීදාට” ඇතුළු ගී රාශියක් බිහි කළාය. “ සුළඟක් වී ගී ලොවට පිවිසි ආනන්ද මෙරට සහෘද රසිකයාගේ හදවත් අමන්දානයට පත්කර යළි සුළඟක් සේ කාටත් හොර රහසේ එදා අප අතරින් වෙන්වී ගියේ යළි නොඑන්නටය.
 

චන්න පෙරේරා ඔබටයි මේ
මැයි 13, 2021 ~ පියුම් වික්‍රමසිංහ - ~ කඳාන


 හිත ඉල්ලන තරු වැඩ සටහනෙන් ඔබේ දියණිය දැක ගැනීම සතුටක්.තාත්තාගේ චිත්‍රපටයක රඟපාන්නට කැමති බව ඇය කියා සිටියා. ඔබේ දියණියන් දෙදෙනා සහ ගයාත්‍රි ද ඇතුළුව පවුලේ චිත්‍රපටයක් රසික ජනතාවට නිර්මාණය කරන්න. නාගරික වටපිටාවක කථාවක් ලෙස අපුරු චිත්‍රපටයක් ඉක්මනින් දැක ගන්නට අපි කැමතියි. ඔබේ අවධානයට මෙම ඉල්ලීම යොමු වේවා.
 

ජූඩ්ගේ අගය අදත් එලෙසමයි
මැයි 13, 2021 ~ ඉඹුල්ගොඩ අබේසිංහ සහ ශි‍්‍රයානි ජයසිංහ ~ අලව්වේ



 පුංචි රාල ඒකාංගික ටෙලිනාට්‍යයෙන් පුංචිරාලගේ චරිතයෙන් ටෙලි සිනමාවට පිවිසි ඇන්ටන් ජූඩ් කලාකරුවා සකිසද එලියස් සහ සබඳ පබිලිස් යන ටෙලිනාට්‍යවලින් ජනපි‍්‍රයත්වයට පත් වූවාසේම ආයිෂ්අම්මා ගුංඩු සබඳ පබිලිස් ටෙලි නාට්‍යයේ තේමා ගීතයෙන් ඔහු ගායකයකු වශයෙන් ජනපි‍්‍රය විය. මෙවන් කලාකරුවකු අකාලයේ නැති වීම විශාල පාඩුවකි. ඔහු අගය කළ යුතු කලාකරුවෙකි.
 

මනෝ නැති අඩුව තදින් දැනේ
මැයි 13, 2021 ~ කෙනත් පෙරේරා - ~ ජා ඇල



 වේදිකාව පුංචි තිරය, රිදී තිරය, හරහා විවිධ දස්කම් පෑ ජයලත් මනෝරත්න නම් රංගනවේදියාගේ වියෝව අපගේ හදවත් වලට තදින් දැනී ඇත. එමෙන්ම ඔබගේ අඩුව පිරිමැසිය නොහැකි පාඩුවකි. මෑතකදී ඔබ රඟපෑ “ මිස් ජෙනිස්” චිත්‍රපටයේ ඔබ ඉදිරිපත් කළ එම රඟපෑම ඉතාමත් කදිමයි. කාන්තාවක් ලෙස වෙස් වළාගෙන ඔබ කළ එම රංගනය අප හදවත් වල සදාකල් රැඳී පවතිනු ඇත. ඔබට නිවන් සුව අපගේ පැතුමයි.
 

ප්‍රථමයෙන් ගැයූ ගීත අමතක නොකරන්න
මැයි 13, 2021 ~ සරත් ලියනගේ, ~ රන්මුතුගල


 රසික ජනතාවගේ සිතැඟි පරිදි ස්වකීය හදබැඳි සදාදරණීය ගායන ශිල්පි ශිල්පිනියන් ප්‍රසංග වේදිකාවන්හිදී ගීත ගයන විටදී ඔවුන් විසින් ගයන ලද නව ගීත මෙන්ම ගීත ක්ෂේත්‍රය වෙත ප්‍රවිෂ්ට වීමෙන් අනතුරුව ගැයූ ප්‍රථම ජනපි‍්‍රය ගීතයන් ද අමතක නොකොට එයද ගයන ගායක ගායිකාවන් හද පිරි බැතියෙන් අගයමි.
 මන්ද යත් එම ගීත එකල හා නව පරපුරෙහි ශ්‍රවණය කරන ලද රසික ජනතාව වෙත ඔවුන් විසින් ඉටු කරනු ලබන්නේ විශිෂ්ට වුත් අමිල කර්තව්‍යයකි.
 

Week of මැයි 13, 2021