Feedback

Week of ජූලි 22, 2021

සජිත! ඉදිරිපත් කිරීම හොඳයි
ජූලි 22, 2021 ~ සීතා - රසිකාවියක් ~



නාඩගම්කාරයෝහි රඟපාන සජිත අනුත්තරගේ රඟපෑම් ඉතා අගනේය. ඔහු එම චරිතය දක්ෂ ලෙස ඉදිරිපත් කිරීම ගැන අප හද තුළ ඇත්තේ සුබ ප්‍රාර්ථනාවකි.
 

උද්දික පේ‍්‍රමරත්නට
ජූලි 22, 2021 ~ පියුම් වික්‍රමසිංහ ~ - කඳාන



 මිණිගංදල සහ තවත් ටෙලි හා සිනමාවේ රංගනයෙන් ඉතාමත් ඉහළ තලයක සිටි ඔබ දේශපාලනයට අවතීරණය වීමෙන් පසු ඔබේ ආදරණීය රසික ජනතාව අමතක කළාද? එසේ කිරීම සාධාරණ නොවන බවයි වැඩිහිටි රසිකාවියක ලෙස මා නම් දකින්නේ. දේශයට වැඩ කටයුතු කරන ගමන් කලා ලොව කටයුතුවලට දායක වන ලෙස ඉල්ලා සිටිමි. ඔබේ අවධානයට මෙය යොමු වේවා.
 

ලයනල් රන්වල සිහියට නැඟේ
ජූලි 22, 2021 ~ යූ.ජී. පාලිත කුමාරසිංහ ~



 ප්‍රවීණ ජන ගායනා ශිල්පියකු සහ සංගීත ගුරුවරයකු මෙන්ම රංගන ශිල්පියකු වූ ලයනල් රන්වල කලාකරුවාණන් අප අතරින් වෙන්වී වසර ගණනාවක් ගත වුවත් ඔබ ගායනා කළ ජන ගී අපි අදටත් රස විදිමු. ගුරුවරයෙකු ලෙස කළ සේවය අති විශාලයි. ඔබ වැනි කලාකරුවන් අපට අහිමි වීම විශාල පාඩුවකි. ලයනල් රන්වල කලාකරුවාණෙනි ඔබ අද සිහිපත් කරන්නේ ඉතාම ගෞරවයෙන්.
 

“පූජා” ඇයි ඔබ නිහඩ?
ජූලි 22, 2021 ~ තිලකරත්න විල්වල සහ මැණිකේ විල්වල ~ - කෑගල්ල


 

 ඉන්දියානු නිළියක්ව සිටි පූජා, ඔබ සිංහල සිනමාවට පිවිස සිංහල සිනමාවේ ඉමහත් ජනප්‍රියත්වයක් ලබමින් සිටී. මේ අවධියේ හිටි ගමන්ම දැන් ඔබ නිහඬව සිටිනනේ කිසිදු තොරතුරක් නොමැතිව. අනේ ඉතින් නැවතත් නොපමාව පිවිස සිංහල සිනමාව ඔපවත් කරන්න ඉදිරියට එන්නකෝ.
 

ළහිරු සඳවින්න ඔබ කොහෙද?
ජූලි 22, 2021 ~ සුසන්ත සම්පත් ~ - පිටිගල


 හිතවත් ළහිරු අයියේ “පිඬු සිඟා වඩින ඔය දෑතට දන්දෙන්නේ කෙසේ” ගීතයෙන් අප දෙසවන් පිනවමින් සිතින් අනුකම්පා, සයුරට වෙරළ, පියෙකුගේ සෙනෙහස, දේව මෑනියනි, රෑ සඳ පානේ, සුදුවැලි පාරේ, මට හිමි නැති නුඹේ සෙනෙහෙ, සඳට විරාමයක් ගීත ගොන්නක් අප හදවතට දැනෙන්න ගැයූ ඔබ දැන් ඇයි නිහඬ? සංගීත ක්ෂේත්‍රය ගැන කලකිරිලා ද? ඔබගේ දුරකථන අංකයත් දැන් භාවිතාවේ නැති බවයි කියන්නේ. ඔබ විසින් අනෙක් ගායක ගායිකාවන්ට ලියූ ගීත අදත් ජනප්‍රියයි. කන්දෙ හැපිලා සඳ චාමර, මංජුලා - සඳේ සිසිල, ළෙන්ගතුකම- අජිත් ,කඳුළු දෙන්න මට හඬන්න, මකුළු දැලක සවියක් නැති සිත -ප්‍රින්ස්, ඉඳුනිල්, කහසිවුර දරන්නට, තුෂාර, සඳක් වගේම ය මූණට හාදු දෙන්න මට ලෝබයි ගීත අදත් අප ගී මනදොල මිහිරෙන් පුරවයි. ඒත් ඔබ ගැන ආරංචියක්වත් නැත. රසික අප සිතට ඒ ගැන කොච්චර දුකද මෙලෝ රහක් නැති සුපර්ස්ටාර්ස්ලා ප්‍රේම විලාපකාරයන් ගීත ලෝකය විනාශ කර තිබුණත් ඔබව අමතක වී නැත.
 

කාලයට ගැළපෙන පාවෙන යකඩ
ජූලි 22, 2021 ~ ඉඹුල්ගොඩ අබේසිංහ සහ ශ්‍රියානි ජයසිංහ ~ අලව්ව -



 අද කාලයේ තාලයට ගැළපෙන ටෙලිනාට්‍යයකි 'පාවෙන යකඩ' ස්වාධීන රූපවාහිනියෙන් මෙය අපි රස විඳීන්නෙමු. තමන්ගේ චරිත මැනවින් තේරුම් ගෙන සියලු රංගන ශිල්පින් සහ ශිල්පිනීන් අපූරුවට ඔවුන්ගේ රංගන හැකියාවන් ඉදිරිපත් කර ඇත.
 අද සමාජයේ පවතින සෑම දෙයක්ම සියුම් ආකාරයට ඉදිරිපත් කර ඇත්තේ කතා පිටපතක් සමඟ අධ්‍යක්ෂවරයාගේ සහජ දක්ෂතාවයෙනි. එමෙන්ම නාට්‍යය පිටුපස සිටින ශිල්පීන්ද අමතක නොකරමු.
 රංගන ශිල්පීන් ශිල්පිනියන් ඇතුළු සැමට ජයෙන් ජය ප්‍රාර්ථනා කරන්නෙමු.
 

නාඩගම්කාරයෝ තිබියදී දෙබස් කවන්නේ මොකටද?
ජූලි 22, 2021 ~ , පාතිමා මාවතේ සරත් සේනාධීර ~ ජා ඇල කල්එළිය


 
 
 ස්වර්ණවාහිනිය ඔස්සේ විකාශය වන නාඩගම්කාරයෝ අති විශිෂ්ටයි. එහි රඟන සියල්ලන්ගේ රඟපෑම් ඉතා ලස්සනයි. ලොකු හාමුදුරුවෝ, සිරිසේන, සරා, මාස්ටර්, රත්නා, සිඟිති, කවඩියා, වැනි චරිත හැමදාම මතකයේ රැඳේවි, මෙවැනි හොඳ ටෙලි නාට්‍යය තිබිය දී දෙබස් කවා විකාශනය වන ටෙලි නාට්‍යය කුමටද? එහි රඟන සියළු දෙනාටත් අධ්‍යක්ෂක, නිෂ්පාදක ඇතුළු සියළු දෙනාටත් මගේ ප්‍රණාමය පුද කරමි.
 

මහේෂි මධුශංකා කලා ශිල්පිනියට
ජූලි 22, 2021 ~ මාළිගාතැන්නේ බුවනෙකබාහු ~ - කඩුගන්නාව


 ඇය ටෙලිනාට්‍යයේ රඟපාන ප්‍රාර්ථනාගේ රංගනය විශිෂ්ටයි කියා සිතමි. කාලයක් දකින්නට නැතුව සිටියා නේද? නැවත දැකීම ගැන ඉතා සන්තෝෂයි. ඔයාට මම සුබ පතමි.
 

Week of ජූලි 22, 2021