ලොවපුරා සිනමා ලෝලීන්ගේ ජීවිත වර්ණවත් කරන්නේ සිනමා වීරයන්ය. තම වීරයන් අනුකරණය කරමින් ජීවත්වන තරුණ තරුණියන් එදා සේම අද ද දැකගත හැකිය. ‘රොකී‘ සහ ‘රැුම්බෝ‘ නම් චරිත ද්විත්වයම මීට දශක කිහිපයකට පෙරදී එලෙස බොහෝ තරුණයන් උන්මාදයට පත් කළ වීර චරිත විය. මෙම චරිතයන්ට පණ පොවන ලද්දේ් ජනප‍්‍රිය රංගන ශිල්පියකු, දක්ෂ තිරරචකයකු, අධ්‍යක්ෂවරයකු මෙන්ම නිෂ්පාදකවරයකු ද වන සිල්වෙස්ටර් ස්ටැලෝන් විසිනි. ඔහුට ක‍්‍රියාදාම චිත‍්‍රපටවල රඟපෑම අලූ‍ත් දෙයක් නොවේ.
 
 සුපර් මෑන්, බැට් මෑන්, ස්පයිඩර් මෑන්, කැප්ටන් ඇමරිකා, ඩොක්ටර් ස්ටේ‍්‍රන්ජ් සහ අපගේ ප‍්‍රියතම සුපිරි වීරයන් සියල්ලන්ටම පාහේ පොදු වන්නේ කුමක්ද? ඔවුහු තවමත් නගරයෙන් නගරයට සටන් කිරීමට තරම් තරුණ වියේ පසු වෙති. වයස යනු සුපිරි වීරයන් සඳහා සංඛ්‍යාවක් පමණක් බව ඔප්පු කරමින් 76 හැවිරිදි සිල්වෙස්ටර් ස්ටැලෝන් මේ වන විට සුපිරි වීරයකු බවට පත් වී සිටී. ඒ හෙට (අගෝස්තු 26) සිට තිරගත කෙරෙන සමරිටන් චිත‍්‍රපටය සමඟිනි. ස්ටැලෝන් මෙම චිත‍්‍රපටයේ පණ පොවන්නේ විශ‍්‍රාමික සුපිරි වීරයකුගේ චරිතයටය.
 
 සමරිටන් ලෙස හඳුන්වනු ලබන අධිමානුෂික ශක්තියක් ඇති ගෞරවාදරයට පාත‍්‍ර වූ වීරයා අබිිරහස් ලෙස අතුරුදන් වී වසර 20ක් ගත වී ඇත. මේ වන විට යළිත් අපරාධ නගරය පුරා පැතිරෙන්ට පටන් ගෙන ඇත. පාතාල ලොව දරුණු අපරාධකරුවන් සාමකාමීව පැවති නගරය නැවත අත්පත් කර ගැනීමත් සමඟ තර්ජනවලට එරෙහිව තමන් ආරක්ෂා කිරීමට හැකි පුද්ගලයකු සෙවීමට ජනතාව උනන්දු වෙති.
 
 දහතුන් හැවිරිදි සෑම් ක්ලියරි සැක කරන්නේ ඔහුගේ අද්භූත සහ හුදකලා අසල්වැසියා වන ස්මිත් මහතා ජනප‍්‍රවාදගත සුපරීක්ෂාකාරී සමරිටන් බව ය. වසර විසිපහකට පෙර ග‍්‍රැනයිට් සිටි හි සුපරීක්ෂාකාරී සමරිටන් ඔහුගේ ප‍්‍රතිවාදියා වන නෙමේසිස් සමඟ සටනකින් පසු මිය ගිය බව වාර්තා විය. බොහෝ දෙනෙකුගේ විශ්වාසය වන්නේ ඔහු ගින්නෙන් මිය ගිය බවයි. නමුත් සෑම් වැනි ඇතැමුන් හට සමරිටන් තවමත් ජීවතුන් අතර සිටින බවට බලාපොරොත්තුවක් ඇත. ඒ හේතුවෙන් ක‍්‍රම ක‍්‍රමයෙන් කුඩා සෑම්, ස්මිත් මහතා සමඟ මිත‍්‍රත්වයක් ගොඩනඟා ගැනීමය සමත් වේ. කෙසේ නමුත් අවසානයේදී තේරුම් ගත හැකිි වන්නේ සත්‍යය කෙනෙකුට අපේක්ෂා කළ හැකි දේට වඩා අඳුරු විය හැකි බවයි.
 
 මාක් ඔලිවෙන්ට් සහ රෙන්සෝ පොඩෙස්ටා විසින් සමරිටන් චිත‍්‍රපටය නිර්මාණය කර තිබෙන්නේ චිත‍්‍රකතා මාලාවක් වෙනුවෙනි. එය ඔස්ටේ‍්‍රලියානු ජාතික ජුලියස් ඇවරි විසින් අධ්‍යක්ෂණය කරන ලද අතර සිල්වෙස්ටර් ස්ටැලෝන් සහ බ්‍රේඩන් ආෆ්ටර්ගුඞ් විසින් නිෂ්පාදනය කළහ. මෙහි සිල්වෙස්ටර් ස්ටැලෝන් සමඟ ජාවෝන් වෝල්ටන්, පිලූ ඇස්බෙක්, ඩස්චා පොලන්කෝ, මාර්ටින් ස්ටාර්, නටාචා කරම් සහ මොයිසස් ඒරියස් ඇතුළු පිරිසක් රංගනයෙන් දායක වී සිටිති.