සාරංග - දිනක්ෂි මව් පිය පදවියට සූදානමින්

ජූලි 8, 2021

 

සාරංග දිසාසේකර සහ දිනක්ෂි ප්‍රියසාද් කියන්නේ කලා පවුල් දෙකකින් රංගන ක්ෂේත්‍රයට පැමිණ මේ වනවිට ජනප්‍රිය තලයක සිටින තරු යුවළක්. පසුගිය අගෝස්තු මාසයේ මේ දෙපළ විවාහ වුණා. පසුගිය සතියේ මේ දෙපළගෙන් සුබ ආරංචියක් අපිට අහන්න ලැබුණා. ඒ මේ යුවළට ළඟදීම මව් පිය පදවි ලැබෙන බව. ඒ වන විට දිනක්ෂි හිරු නාළිකාවේ විකාශය වන හිරු සුපර් ඩාන්සර් රියැලිටි වැඩසටහනෙහි නිවේදිකාවක් ලෙස කටයුතු කරමින් සිටියේ. ඇය ගැබිනියක් නිසා එම වැඩසටහනෙන් ඉවත් වීමත් සමඟයි මේ ආරංචිය හැමෝටම දැනගන්න ලැබුණේ. මේ දෙපළ කළලයේ ස්කෑන් පිටපතක් සමඟ පසුගිය දිනෙක සමාජ මාධ්‍යයේ ඡායාරූපයක් පළ කරමින් කියා සිටියේ ඔවුන්ගේ ජීවිතයේ සුන්දරම කාලය මේ වනවිට ගත කරමින් සිටින බවයි.